| Q8 | 外地騎師討論 |
| 聖袍偉: | 之前不少評論指戴勝的功力平平，但上次挑戰之星得到不少掌聲，想問 各位是他無寶不落，還是評馬人對他這場過譽，定係佢一向都係有番咁 上下？我本身不懂看騎師騎功，只靠某幾位評馬人(主要都對他評價不太 高)及這裏各位的意見，想搞清楚他到去到那一個級數，及知多一點怎看 騎功。如黃嘉豪說薛達其推騎時夾不到馬匹就好極有限，是什麼原因？ |
| 逢吉星: | 馬匹之成積大致上能反映其實力,而騎師則不盡然.我同意戴勝的騎功平平, 佢死韁繩(跑長短途都用短韁繩),開鞭冇推騎(澳紐騎師的"通病"),我認為三 位本港騎師騎功都在戴勝之上.推騎時不夾緊馬匹是差劣的策騎方法!理由 好簡單:騎師容易出現不必要的左右擺動(特別是用腰力單手推騎時)及重心 偏移,影響馬匹的出腳,打亂原賽跑節奏. |
| Ryan: | 近年既澳紐騎師大多會混合其他騎式入去,
所以近年既澳洲騎師都有所進 步如白德民, 如果要搵傳統澳式, 你可以去澳門搵杜頓, 將會黎香港既查汝 誠, 或賈西迪, 谷士梨 |
| 馬中神: | 歐洲騎師的彊繩功夫及鞍上的平衡功夫
(重心夠低) 毫無疑問是澳洲式騎 法可比,但同意戴勝是現今澳洲最top 的幾位騎師之一! |
| 老輝: | 歐洲騎師如靳能之輩，推打屬"剛柔並濟"，俯伏亦較低，馬匹走起來亦特 別順。美國騎師(如史提芬及白岱)則是"重心較低"，其那套韁繩功夫令馬 兒不感拘束，但鞍上人一比落去就得心應手(鬥末段時韁繩收短，亦會有 數次"立韁繩"，讓馬兒"回氣、提氣、用氣"。澳洲騎師騎技之低，主要是 有"一對死手"，不懂推打所用力之竅門，無論在長短途賽事都"鎖死馬 口，入直路用鞭搏命扑"，可惜大部分馬匹卻不受落，騎技亦不全面。 |
| 歐禮傑: | 你認為澳洲騎師入直路一定用鞭博命扑嗎???你看過多少澳洲賽事呀???當 然,一場澳洲賽事入直路時大部分騎師都看似鞭如雨下,但大多只是虛鞭,用 以提醒馬匹,加上拋動韁繩去給予馬匹signal前進.還有,你們所指出的只是 澳洲騎師的推騎功夫,但騎技要全面的看呀. |
| 普羅: | 那麼，澳洲騎師除了用鞭外，還有哪些可取之處?
請閣下不妨全面地論一 下 |
| 老輝: | 我敢肯定你睇澳洲騎師嘅日子唔夠我長。你講得啱，澳洲騎師在末段催 策馬匹時係"拋韁"，但在短兵相接時"拋韁"對催策馬匹的實際作用有多少 你知唔知？既然騎技要看全面，亦應將世界各地騎師的策騎風格作出比 較，這才會高低立見，這才是"全面地論述騎技"！ |
| 歐禮傑: | 我同意在鬥last時,澳洲騎師在觀感上不及歐美騎師來得狠.但我最主要既 point係完全唔同意逢吉星兄認為戴勝騎功比三位本地騎師低之說,我認為 完全是顛倒是非,正如當年有人話馬泰斯騎功高過艾法誠一樣.我明白大家 用英美標準去判斷澳洲騎師,一定會看低.但你亦要知道我看每月看的澳洲 賽事相信是比大家看一年還多,我會用看澳洲騎師的角度去判斷澳洲騎師 的騎功. |
| 老輝: | 澳洲騎師騎法死板，全程之騎法並沒有"起、承、轉、合"。而我亦認為你 所講的"澳洲頂級騎師"相比歐美的"中級騎師"起碼相差好幾皮！ |
| Ryan: | 歐洲騎師俯伏亦較低不敢認同,
甚多頂級英國俯伏甚高, 甚至大部份都係 推騎起伏甚大, 呢d騎師一D都唔好睇, 不過就好食 |
| 老輝: | 你睇睇靳能搏命是會唔會"俯伏"？況且"俯伏"亦不會"高"的。 |
| Ryan: | 你睇睇范義龍, 昆爾, 戴禮,
霍聰, 侯理察, 魏德禮搏命時會唔會俯伏？你可 以對用呢幾位騎師比較下美國騎師邊個伏得低, 這些全是英國十大騎師, 相信不是你口中的垃圾吧, 如果係垃圾既話我諗得戴圖埋, 靳能, 柏兆雷, 史提芬, 比利才可以o係你眼中叫做"好騎師"了! |
| 老輝: | 范義龍, 昆爾, 戴禮, 霍聰,
侯理察全不屬一級好手，范義龍之缺點上文逢 吉星已作解說。昆爾推打似打韆鞦，前後過分搖擺。戴禮推打時打側 身，完全不能俯伏推騎。霍聰在搏殺時會刻意將上身伏在馬頸上催策。 侯理察比起前幾位更有不及。請你翻睇魏德禮當年在港策騎時的片段(如 策威信福將在沙田贏馬一役)，再細心留意騎末段的"俯伏推騎"！ |
| Ryan: | 依你所言, 我諗全世界只得幾位"一級好手"了, 世界馬壇可真悲呢 |
| 老輝: | "一級好手"當然難尋，正所謂"物以稀為貴"。真正能夠登堂入室的騎師實 在"可遇不可求"! |
| Q7 | 本地騎師討論 |
| Ryan: | 呢條快活谷C跑道,
最好買用開右手鞭既騎師, D馬轉入直路後好易內閃, 除 o左放頭之外, 打左手鞭既騎師往往要修正而影響走勢, 打右手鞭既騎師有 一定優勢 老輝: 其實作為一個職業騎師，理應"左右"手鞭都抽得"豁然起 勁"，"流暢利落"。 |
| Ryan: | 但係大部份澳紐騎師都不善左手鞭,
見習騎師, 甚至本地騎師多數都只係 善一隻手落鞭, 如賴維銘, 余健誠(余健誠今日一用左手鞭就出事)都係用右 手鞭, 丁冠豪, 鄭雨滇, 薛順強係用左手鞭 |
| 老輝: | 所以以上人等之料子仍未"到家"，你睇睇真正好師傅抽左右手鞭都冇問 題，同樣流暢。如史永邦，靳能，史提芬等。 |
| 老輝: | 丁冠豪本身打左手鞭係有一定水準，夠晒昂揚有力，但一開右手鞭(早年 騎為我鼓掌)，連推騎時的節奏，幅度也亂七八糟，其實佢想手右手鞭開 得好，好應該學過另一套功夫。 |
| 老輝: | 補充:丁冠豪打左手鞭係有一定水準，但近年已較飄忽，全盛時打那手左 手鞭(贏草原之星直路1000M)係最好，而上季騎實業家贏打比預賽一役(跑 完我即讚)就拍得住呢場馬。但差起上來，佢手左手鞭可"媲美"右手鞭。 |
| Ryan: | 丁冠豪騎技已成型, 好難再進, 反而賴維銘同余健誠仍可有進步 |
| 老輝: | 我認同丁冠豪的騎技已再無進步之餘地,除非佢學過另外一套功夫則作別 論.而賴維銘亦已"見底",我卻不覺得他會有多大的進步. |
| 君子: | 本人覺得賴維銘應仲有進步 |
| tung: | 本人覺得曾錦銓係現時見習生中最好的一位 |
| 老輝: | 曾錦銓的推騎欠自然，亦不順暢。現時的見習生已不及早年之何華麟， 蘇錦文等人。 |
| tung: | 老輝言之有理現時的見習生已不及早年,但曾錦銓應是現時最好一位見習 生,記得他騎浦東之寶及潮汕新輝嗎? |
| 老輝: | 我較睇好薛順強.然而他的水準亦不及其一眾師兄. |
| Ryan: | 鄭雨滇都幾有膽, 若能唔用澳式騎法會更好 |
| 老輝: | 香港的見習生在出道初期學懂了某種地方的推騎風格，好難會再有改 變。 |
| Ryan: | 我覺得佢既騎姿唔似傳統澳式騎姿,
佢鬥啦士個韁繩收得好短, 同一般澳 洲騎師有明顯分別, 不過落鞭就係用車輪鞭 |
| 老輝: | 係澳式，但屬身硬腰硬的澳式。 |
| Q6 | 馬具請教 |
| 老輝: | 【實至名歸】昨日在最後直路上仍有"頂口"現象，鞍上人每推一步，馬口 唔受之餘馬頸亦撐番轉頭，若果此陋習仍未改善，必定會繼續影響其陣 上表現。 |
| tung: | 馬匹在直路上發生頂口一定打定輸數.下次再出之前時應該試下用環形bit 及快試二段,如況有改善應會跑得接近些. |
| 老輝: | 除了在晨課用Ring Bit去糾正外，最重要係有好手去教口。(教到馬頭向 下，用韁繩壓口，步頭自然向外伸展) |
| Ryan: | 應該帶馬定基同白鼻cool |
| 老輝: | 馬定基及鼻箍並不適用於"頂口"馬，要"對症下藥"才可。 |
| tung: | Ryan你令我覺得好好笑!
馬定基同白鼻cool係絕對唔可以改善頂口,而默契 更加唔係頂口. |
| 老輝: | 再看多次片段，發覺這情況用Tongue Bit會更合適。 |
| Ryan: | 默契都有此現象, 所以馬佳善o係o個場馬坐得好低去就番隻馬 |
| 老輝: | 默契略有多少"輕口"，不同"頂口"。 |
| tung: | 老輝兄,tongue bit功能是用來固定馬匹條舌頭.有幫助頂口嗎? |
| 老輝: | 有些馬會好喜歡玩必，尤其在陣上更用脷去頂開個必，又或者將條脷左 搭上去(擔唔到必走)，騎師便難於駕馭。此種Tongue Bit(管舌式口銜鐵)特 別有空間套著條脷，如在馬口內紮脷更可將位置固定，效果良佳。 |
| 老輝: | Tongue Bit的確是這樣用,而breaking
eggbutt with playes亦是用來對付玩口 馬.你曾在馬房做嗎? |
| tung: | 老輝Tongue Bit的確是這樣用,而breaking
eggbutt with playes亦是用來對付玩 口馬.你曾在馬房做嗎? |
| 老輝: | 係，光緒時代之事。唔通你又係"行家"？ |
| Q5 | 脹筋請教 |
| 駿王 : | 必全勝可能出戰特首杯，希望今季健康有轉機。 |
| 老輝: | 據悉此馬曾脹筋，好難回復盛時。 |
| wilkin請教: | 所指既脹筋其實係邊一條﹖點解會話脹筋有過事會難復 盛時﹖ |
| 老輝: | 馬匹的腳筋是容易受傷部份，拉傷了便會發大及腫脹
， 稱為脹筋，馬匹會因此而不良於行，亦要休息一段長時 間才再能投入操練 。 |
| 德德: | 脹筋對馬匹來說,比流鼻血更嚴重,脹筋只會發生在一對 前腳,腳踭對上的主筋受傷而脹大,醫治方法只得一個.... (搓藥)...極其霸道的方法,首先用一種有腐食性藥水,然後 用雙手(要帶手套)不停磨擦傷患之脹筋處,六至八小時後, 整條前腳會腫脹如豬蹄,二日後會流出濃水,馬匹要休息三 星期以上方可操練,只可治標,除時復發,一般只可回復七 成質數,更可低於七成,以後操練不能太強,否則返發機會 極高................德德口述............Tommy Chan撰寫 |
| 仗義執言: | 好好,聖利,偉著(着)同京城都是受害者 |
| 老輝: | 有些馬匹的脹筋毛病需要注射抗生素治療------(好似係松 威)，而脹過筋的馬匹中，十匹著了九匹都不能回復應有 水準，像喜蓮之星的例子已屬異數(然而此馬在復出後亦 未能交回全盛時期那段爆炸力)。 |
| Q4 | 馬在不同的部位出汗是否有不同的心情? |
| 老輝: | 馬匹在那個身體部位出汗與其心情唔係有太大的關
係,應該係要分出汗的性質:汗水(在毛中滲出那種);汗 漿(白色一舊有黏性的)等等.汗泡(冇咁杰身).係利用呢 幾個範疇去定奪馬匹係因天氣,緊張,或者劇烈運動後 所出的汗之性質. |
| 玩火: | 一個人驚o既時喉,連沒有肌肉的地方,都會出汗 |
| NBA99: | 但有時見到D馬在後腳內側出現白汗,有時見到D馬在
頸出一些白色物體(e.g.原居民在英國),有時亦見到D馬 全身都係濕的,到底怎分汗,泡,膠呢?可否詳細說明? |
| 老輝: | 後腳內側出現的白汗係因為馬匹本身已經出汗,加上
皮膚摩擦,造成白色"汗泡";原居民在英國時係出"汗水" ,係濕晒而冇色的.一個例子:"察察為明"出的是虛汗--- 即係因為緊張而出的汗. |
| 逢吉星: | 馬正常的汗是有黏性的.最常見的部位是馬肩及馬脾
間,出汗的速度較慢.全身都濕的,如水一般的,多數係虛 汗.是馬過分緊張或狀態反覆. |
| Q3 | 請問馬匹厭戰有咩特徵呀 |
| 老輝: | 因馬而異的,有些會不願入閘,有些又會谷起度氣比
手足上鞍,千奇百怪的.. |
| 玩火: | 所以有d馬入閘好順利----可能佢會好肯去號 |
| 賽馬天才: | 全盛期的帶運來就有不肯入閘即厭戰的習慣出現 |
| 老輝: | 唔係,佢在新馬時代有"畏群"毛病 |
| 賽馬天才: | 雖然帶運來喜放頭跑,但中段馬兒曉自我回氣,因此
米千四米威力更大,可惜很難找回牠入閘前的錄影 帶,否則我的觀察,你未必會object.現役馬七雄跑法 古怪,是否又屬於畏群一族呢? |
| 老輝: | 呢隻馬早段欠缺前速,要跟順追一段.佢都冇乜特別,
沒有"畏群"現象. |
| 賽馬天才: | 七雄的留放極考功夫絕不能混在馬群,所以配澳系
騎師全不合拍 |
| 老輝: | 所以呢隻馬早段就唔能夠逼得太前囉 |
| Q2 | 老輝兄你可唔可以講多一次怎樣看馬?應該由乜方面看起? |
| 老輝: | 要講就長篇了,粗略點解釋下:
先觀其形,後觀其腳法.馬匹的型格往往能給你一個 First Impression,要懂得去"相馬",先從呢點去出發． 再者，馬額頭要寬闊，眼大且有神，鼻孔的收放要 明顯．前胸的兩舊肌肉要生得橫，四蹄幼身而修 長．這些就是從”相馬”的角度去判定何謂一匹靚 款馬．不過有時要執生，唔能夠楂死一條籌．因 為，跑馬，相馬都是活的，不能一本通書睇到老， 以上各點你不妨用來參考吧! |
| 不動明王: | [人有人格, 命有命格]......相馬同相人一樣複雜
! 您能 知道一隻馬的血統,性格,往績,近況,操練,天氣,場地, 路程,騎師,負磅,情緒,賠率,意外, 邊樣最重要 ? 樣樣 都感重要 ! 比您通晒, 敢落大注嗎 ? 還有心魔, 何謂 [知見障] ? 用兵之道莫如水......悟之.. . 神也 ! |
| Q1 | "同父馬"都叫做"親弟馬"? |
| 足球: | 知而不用同吾知而不能用表面係一樣但內裡係吾同
0既,吾通就因為"知見障"就叫人吾好讀書咩,凡事執 著就自然多障礙.只有活學活用先容易進步. 乜"同父 馬"都叫做"親弟馬咩 ? |
| 老輝: | 同父同母的稱為"全兄弟"(Full
Brother);只是同父者 乃"半兄弟"(Half Brother) |
| 乘風: | 不是同父叫 兄弟馬 同母的叫半兄弟嗎?? |
| 高雅志: | 同父應不叫半兄弟,同母才叫半兄弟,否則兄弟太多了 |
| 老輝: | 一匹種馬，一年普遍打七十至八十多次種
不等．所以”同父半兄弟馬”多，屬正常事．至於 如何釐定，只是同父而不同母，或者只是同母而不 同父，則稱為(Half Brother)，而同父同母稱為(Full Brother). |
| 賽馬天才: | 馬匹是母系社會,所以只有同母馬才會稱為半兄弟馬,
而同父馬只可稱為同父馬,香港猶於本身沒有育馬,所 以大部份評馬人以同父馬作性能質素依歸還是可以接 受的 |
| 老輝: | 不過黃汝安上電台節目講過”同父半兄弟”和”同母
半兄弟”的定義就係咁．或者大家的講法不同. 老輝: 現在廣州賽馬會積極做緊呢類功夫，希望終有一日能 有一隻中國出產的馬能做代表，爭國際賽．可惜呢條 路會好長. |
| 乘風更正: | 不過中國的育馬事業歷史,
少過拍紙簿, 有時中文的翻 譯及定義真係好含糊!! |
| Ryan: | 半兄弟(half brother)既定義應該係同母異父既馬。而四
分三兄弟為同一個母馬，而兩匹父馬又有關係的(如 兩匹父馬為父子)，就可稱作四分三兄弟。 |
| O記: | 據我所知, half brother
只係指同母馬, 同父馬只係以 same sire來形容.加上一個Equine Glossary既資料以作 參考啦 : half-brother, half-sister Horses out of the same dam but by different sires. Horses with the same sire and different dams are not considered half-siblings in Thoroughbred racing. |
(以上內容可能跟原文有所出入,以上言論並不代表本頁立場)